Quizowend 2025
D'Amicale vun de Beetebuerger Pompjeeën organiséiert am Kader vun hiren 125 Joer e Quizowend! De ganzen Owend iwwer gëtt äert Wëssen an de verschiddenste Beräicher (vu Sport, iwwer Geschicht bis hin zum Allgemengwëssen) gefuerdert. Domat dréint sech dëst Joer, anescht wéi déi lescht 2 Joer, net alles just ronderëm d'Beräicher Rettungsdéngschter a Pompjeeën.
Fir Iessen a Gedrénks ass natierlech beschtens gesuergt!
De Quiz riicht sech u Jiddereen, deen säi Wëssen an enger flotter Atmosphär wëll ënner Beweis stellen!
Allgemeng Infoen
- Wéini? Samschdeg 15. November 2025
- Auerzäit? 19h00 - d'Diiren ginn um 18h00 op
- Wou? am KultTourHaus zu Hunchereng (8, rue de l'école L-3341 Huncherange)
- Iessen? Bouchée à la reine mat Räis (an eng vegetaresch Alternativ) esou wéi Dessert'en
- Wien dierft matspillen? Jiddereen!
D'Ekippen
- Dir tried alleng oder an der Ekipp un. PS: an der Ekipp mécht et méi Spaass 🙂
- Gréisst vun der Ekipp: 1 - 6 Persounen
- All Ekipp brauch natierlech och e passende Numm
- Dir kommt als ganz Ekipp verkleed? Da kritt dir Bonus-Punkten
Präiss
- Startgeld? 20€/Persoun (Bouchée inklusiv)
- D'Startgeld ass am Viraus ze bezuelen (Virement oder Payconiq). Dir kritt dëst per Mail no der Umeldung geschéckt.
- De ganzen Owend iwwer kënnt dir mat Borgeld, Kaart a Payconiq bezuelen